Telugu News

పదహారేళ్ళ వయసు చిత్రంతో తెలుగు తెరకు పరిచయమై ఆ తరువాత తెలుగు, హిందీ, తమిళ భాషల్లో పలు సినిమాలలో నటించి రెండు దశాబ్దాల పాటు టాప్ హీరోయిన్ గా చిత్రసీమను ఏలి తర్వాత బాలీవుడ్ దర్శకుడు బోనీకపూర్ ని వివాహం చేసుకుని సినిమాలకు దూరమైన శ్రీదేవి ఇప్పుడు తన కూతురు జాహ్నవిని హీరోయిన్ గా పరిచయం చెయ్యనుంది. నటి రాధ తన కూతురు కార్తీకను నాగార్జున పెద్ద కొడుకు మొదటి సినిమా జోష్ తో తెరకు పరిచయం చేసినట్లే,  శ్రీదేవి కూడా నాగార్జున చిన్న కొడుకు అఖిల్ మొదటి సినిమాతో జాహ్నవిని సినిమాలలోకి తీసుకువస్తుందని, బాలకృష్ణ కొడుకు మోక్షజ్ఞ సినిమాలో తీసుకువస్తుందని నిన్నటివరకూ ఊహాగానాలు వినిపించాయి. 

అయితే ఇటీవల శ్రీదేవి " శంభో శివ శంభో  " దర్శకుడు మరియు తమిళ నటుడు శశికుమార్ ను ప్రత్యేకంగా ముంబై పిలిపించి ఆయనకు విందు ఇచ్చి మరీ తన కూతురు జాహ్నవిని ఆయన దర్శకత్వంలో తమిళ చిత్రంతో అరంగేట్రం చేయించాలని ఉందన్న తన కోరికను బయటపెట్టిందట. కాలేజీ రోజుల నుండి శ్రీదేవి అభిమాని అయిన శశికుమార్ ఆమె అడగడంతో వెంటనే ఒప్పుకున్నారట. శ్రీదేవి జాహ్నవికి నటనకు, నృత్యానికి సంబంధించి కళాక్షేత్రంలో 25 సంవత్సరాల అనుభవం గల సులోచన అనే ఆమె వద్ద శిక్షణ కూడా ఇప్పిస్తోంది. మొత్తానికి శ్రీదేవి తన మాతృభాష అయిన తమిళంలోనే కూతురి అరంగేట్రం చేయిస్తోంది.