పార్టీ నుంచి బహిష్కరించిన ప్రియసఖి శశికళను తమిళనాడు ముఖ్యమంత్రి జయలలిత మరో దెబ్బ తీశారు. శశికళ సోదరుడు దివాకరన్ను తిరువారూర్ జిల్లాలో పోలీసులు అరెస్ట్ చేశారు. రిషియూర్ గ్రామానికి చెందిన ఓ మహిళ ఇంటిని కూల్చిన కేసులో దివాకరన్ను అరెస్ట్ చేసినట్లు పోలీసులు తెలిపారు. మద్రాసు హైకోర్టు దివాకరన్‌కు ముందస్తు బెయిల్ ఇవ్వడానికి నిరాకరించింది.

తెలంగాణ ప్రజా ఫ్రంట్ ఆవిష్కర్త గద్దర్ మాట్లాడుతూ ప్రజారాజ్యం పార్టీ అధినేత చిరంజీవిని ఏదో ఒక ప్రాంతానికి పరిమితం చేసి మాట్లాడటం సరికాదని, ఆయన ఆంధ్రప్రదేశ్ లోని తెలంగాణ, సీమాంధ్ర రెండు ప్రాంతాలకు చెందినవాడని అన్నారు. తెలంగాణ ప్రజల మనోభావాలను అర్ధం చేసుకుని, తెలంగాణ రాష్ట్ర ఏర్పాటుకు మద్దతు తెలిపితే చిరూతో కలిసి నడిచేందుకు తాను సిద్ధంగా ఉన్నానని

చిన్న జీయర్ శిష్యులతో తిరుపతి కోలాహలంగా మారింది. భీష్మ ఏకాదశిని పురస్కరించుకుని మరికొద్దిసేపట్లో విష్ణు సహస్రనామ స్త్రోత్రపారాయణం జరగనుంది. అనంతరం అలిపిరి నుంచి తిరుమలకు కాలిబాటలో జీయర్ యాత్ర చేపడతారు. టిటిడి 110 తప్పులు చేసిందని ప్రకటించిన నేపథ్యంలో చిన్నజీయర్ పర్యటన ఉత్కంఠగా మారింది. గతంలో టీటీడీపై చేసిన వాదనకు తాను కట్టుబడి ఉన్నానని దీనిపై పూర్తిస్తాయిలో వివరణ ఇచ్చేందుకు సిద్ధంగా ఉన్నట్లు త్రిదండి చిన్నజీయర్ స్వామి తెలిపారు.

తెలుగుదేశం పార్టీ అధ్యక్షుడు చంద్రబాబు గురువారం రాజమండ్రిలో విలేఖరులతో మాట్లాడుతూ రాష్ట్రంలో మున్సిపల్ ఎన్నికలను నిర్వహించే దమ్మూ, ధైర్యం లేకనే ప్రభుత్వం వాటిని వాయిదా వేసిందని అన్నారు. రాష్ట్రంలో ప్రభుత్వ పాలన లేదని, యంత్రాంగం పూర్తిగా అస్తవ్యస్తంగా తయారైందని, ప్రజా సమస్యలను గాలికి వదిలేశారని చంద్రబాబు ఆరోపించారు. ఎమ్మార్ ప్రాపర్టీస్‌ అక్రమాలపై ప్రభుత్వం చర్య తీసుకోలేకపోతోందని, ఈ భూకుంభకోణంలో కోట్లాది రూపాయల మేర అవినీతి