ఎట్టకేలకు ప్రముఖ హీరొయిన్ స్నేహ తన ప్రేమ వివాహంపై పెదవి విప్పింది. తమిళ హీరో ప్రసన్నను జూన్‌లో వివాహం చేసుకోబోతున్నట్లు స్నేహ తమిళ మీడియాకు తెలియచేసారు. గత కొద్దికాలంగా వీరిద్దరి పెళ్లి గురించి వార్తలు వస్తున్నాయి. స్నేహ ఆ వార్తల్ని ధ్రువీకరిస్తూ ఈ ప్రకటన చేసారు. ఆమె చెన్నైలో మాట్లాడుతూ ''పెళ్లి ముహూర్తం గురించి ప్రసన్నతో చర్చిస్తున్నాం. త్వరలోనే ఆ వివరాలు ప్రకటిస్తాను.

చెన్నైలో ఆ వేడుక ఘనంగా జరుగుతుంది అని ఆమె తెలిపారు. 'అచ్చముండు అచ్చముండు' చిత్రంలో ప్రసన్న, స్నేహ కలిసి నటించారు. ఆ పరిచయం ప్రేమగా మారింది. ఆమె తెలుగులో గతంలో శ్రీరామదాసు, ప్రియమైన నీకు, రాధా గోపాలం, సంక్రాంతి, వెంకీ వంటి విజయవంతమైన చిత్రాల్లో నటించింది.