ప్రభుదేవాతో ప్రేమ వ్యవహారం నడిపిన నయనతార మళ్ళీ సినిమాలలో నటించేందుకు అంగీకరించిన విషయం తెలిసిందే. వారి ప్రేమ వ్యవహారం పెళ్లి వరకు వచ్చింది. ఏమయిందో ఏమో కాని ఇప్పుడు వారి పల్లి ఆగిపోయింది. దీంతో నయనతార మళ్ళీ సినిమాలలో నటిస్తుంది. తాజాగా ఆమె మరో తెలుగు సినిమాకు ఒప్పుకున్నట్లు సమాచారం. ఇటీవల నాగార్జునతో నటించడానికి ఓకే చెప్పిన నయన తాజాగా రవితేజతో కలిసి ఓ సినిమాలో నటించేందుకు కూడా అంగీకారం తెలిపిందని సమాచారం. ఇటీవల జనవరి 26న రవితేజ బర్త్ డే పార్టీ జరిగింది.

ఈ పార్టీకి నయనతారను ప్రత్యేకంగా ఆహ్వానించిన రవితేజ ఆమె రీ ఎంట్రీ గురించి ఆరా తీశాడని, తన సినిమాలో నటించాలని కోరాడని, అందుకు నయనతార కూడా ఓకే చెప్పిందని ఫిల్మ్ నగర్ వర్గాల నుంచి అందిన సమాచారం. మరో వైపు నయనతారకు తెలుగు, తమిళంలో బోలెడు ఆఫర్లు వస్తున్నాయని, అయితే నయనతార ఇప్పటి వరకు నాగార్జున సినిమాకు తప్ప వేటికి ఒప్పుకోలేదని, తాజాగా రవితేజకు గ్రీన్ సిగ్నల్ ఇచ్చిందని అంటున్నారు. గతంలో నయనతార దుబాయ్ శ్రీను, ఆంజనేయులు చిత్రాల్లో రవితేజతో కలిసి నటించింది.