Telugu News

ఐపీఎల్ లో ఓ అగ్రశ్రేణి ఆటగాడి ఆట తీరు అనుమానంగా ఉందని " ది ఆస్ట్రేలియన్ పత్రిక " మంగళవారం ఓ కధనాన్ని ప్రచురించింది. ఇద్దరు లీగ్ అధికారులు ఐపీఎల్ లో ఓ అగ్రశ్రేణి ఆటగాడి ఆట తీరు పట్ల అనుమానం వ్యక్తం చేశారని ఆ పత్రిక పేర్కొంది. అయితే ఈ విషయాన్ని బిసిసిఐ అధికారులు కొట్టిపారేస్తున్నారు. ఆ పత్రిక కధనం గురించి తమకు ఎలాంటి సమాచారం లేదని ఐపీఎల్ తాత్కాలిక చైర్మన్ చిరాయు అమీన్ తెలిపారు.

"ఐసిసి, ఐపీఎల్ నియమ నిబంధనలను ఖచ్చితంగా అమలు చేస్తుంటాం. ప్రతి ఆటగాడి ప్రవర్తనను నిశితంగా గమనిస్తూనే ఉంటాం. ప్రతీదీ మా నియంత్రణలోనే ఉంటుంది " అని అమీన్ వివరించారు. ఐపీఎల్ ఫిక్సింగ్ ఫై ఐసిసి యాంటీ కరప్షన్ యూనిట్ విచారణ జరిపే విషయం తమకు తెలియదని ఆయన చెప్పారు.

6 దేశాల నుంచి 10 జట్లు పాల్గొనే ఛాంపియన్స్ లీగ్ మరో 3 రోజుల్లో సెప్టెంబరు 10న దక్షిణ ఆఫ్రికాలో ప్రారంభం కాబోతుంది. సచిన్, ద్రావిడ్, ధోని, కుంబ్లే, కలిస్, మురళీధరన్, కామెరూన్ వైట వంటి హేమాహేమీ క్రికెటర్లు పాల్గొనే ఈ టోర్నీ15 రోజుల పాటు క్రికెట్ అభిమానులను అలరించనుంది. మొత్తం 10 జట్లు పాల్గొనే ఈ టోర్నీలో బారత్ నుంచి చెన్నై సూపర్ కింగ్స్, ముంబై ఇండియన్స్, బెంగళూరు రాయల్ ఛాలెంజర్స్ జట్లు 

స్పాట్ ఫిక్సింగ్ ఉదంతంతో పరువు పోగొట్టుకున్నపాక్ ప్రభుత్వం ఎట్టకేలకు తమ ఆటగాళ్ళ ఆస్తులఫై విచారణ జరపాల్సిందిగా ఆదేశించింది. పాకిస్థాన్ ఫెడరల్ బ్యూరో ఆఫ్ రెవిన్యూ తమ ప్రాంతీయ కార్యాలయాలకు ఈ మేరకు ఆదేశాలు జారీచేసింది. పాక్ క్రికెట్ తో సంబంధం ఉన్న క్రికెటర్లు, కోచ్ లు,కామెంటేటర్లు, పిసిబి అధికారుల ఆస్తులు,వాహనాలు,ఫ్లాట్లు,దేశ విదేశాలలో ఉన్న బ్యాంకు ఎకౌంటులు,వ్యవసాయ క్షేత్రాల పూర్తి సమాచారాన్ని సేకరించాలని సూచించింది. ఈ నెలాఖరుకల్లా అందరి ఆస్తుల వివరాలను సేకరిస్తామని పాక్ అధికారులు తెలియజేశారు.